Na Dzien Ołmy wszystkim Ołmom i wnukom,żeby się dowiedziały jak ważną częścią ołminej garderoby była zołpaska dedykujemy ten piękny wiersz autorstwa Doroty Matuszek -poetki twórczyni ludowej, członkini Zespołu Folklorystycznego z Kamienia Śląskiego.

Zołpaska

W niedziela zołpaska boła piyknie sztikowanoł,
a na beztydzyń,ołmina zołpaska boła połołtanoł.

Jak nołs na klinie ołma czimała
to łopsmarkany nos tą zołpaską nom łociyrała,
a jak my łoczy zbeczane mieli,
tyż do zołpaski łociyrać my się lecieli.

Małe pilontka z chlewika w niej przinojsioła
A co uciechy nom narobioła.
Jajca z kurnika tyż w zołpasce miała
A w drugyj rance co inszego dzierżała.

Ołma zołpaska wdycki miała
i tak gryfnie w niyj wyglądała.

Ta zołpaska wianże jakol tajymnoł moc miała,
Bo po całym dniu cinyżky roboty Ołma jeszcze zoki sztrykowała.

Dzisiołk ołmy zamiast zołpaski dżinsy mają
A w kabzie telefon komórkowy czimają.
To jakby to tak nasza ołma widziała
Toby wianże hercszlag dostała

Ale świat idzie do przodu, postęp się szerzy.
Ale nasza ołma niech mi kożdy wierzy

W tyj zołpasce z tymi kabzom połołtanymi
Najlepsza ołmą na ziymi.

Ingeborga Kirsch-Iścińska